Հյուրընկալության ոլորտում մարդկային ռեսուրսների և նախաբացման (pre-opening) նախագծերի փորձառություն ունեցող Աիդա Սարգսյանը մասնագիտացած է թիմերի զարգացման, տաղանդների կառավարման և ստանդարտ օպերացիոն ընթացակարգերի (SOP) ներդրման մեջ: Նա ղեկավարել է HR գործընթացներ հյուրնաոցների տարբեր բաժիններում՝ ներառյալ տնային տնտեսությունը, ընդունարանը և ընդհանուր օպերացիոն թիմերը, ապահովելով անձնակազմի պատրաստվածությունն ու մոտիվացիան՝ կազմակերպության նպատակներին համապատասխան: Աիդան խրհրդատվության իր մոտեցումը համատեղում է փորձը, կառուցվածքային ուղեցույցները և շեշտը դնում հմուտ թիմեր ձևավորելու և հյուրերի համար բարձր մակարդակի փորձառություն ապահովելու վրա:

Հյուրանոցային և խմիչքների ոլորտում 10 տարվա փորձ ունեցող Առնակ Մարդանյանը կառուցել է ամուր կարիերա՝ աշխատելով Հայաստանում գործող առաջատար միջազգային հյուրանոցներում։ Իր մասնագիտական ուղին սկսել է որպես բարմեն և շարունակել գործունեությունը միջազգային հայտնի հյուրանոցներում, այդ թվում՝ Marriott, Radisson Blu, Holiday Inn Express և Ibis ցանցերում։ Հետագայում Առնակը նշանակվել է Radisson Blu հյուրանոցի բարի մենեջեր, այնուհետև տեղափոխվել Կանադա, որտեղ ներկայումս աշխատում է Fairmont հյուրանոցում՝ որպես ավագ բանկետային բարմեն: Աչքի ընկնելով բարի կառավարման և խմիչքների գործառնությունների ոլորտում իր մասնագիտական վարպետությունը՝ Առնակը մեծ նվիրվածությամբ է մոտենում մասնագետների վերապատրաստմանը և յուրաքանչյուր միջավայրում բարային չափանիշների բարձրացմանը:

Ավելի քան 10 տարվա փորձով՝ Լուսինեն հյուրընկալության ոլորտի մասնագետ է, ով համադրում է ուժեղ օպերացիոն գիտելիքները ռազմավարական մտածողության հետ։ Նա իր կարիերան սկսել է 2011 թվականին որպես ընդունարանի աշխատակից և աստիճանաբար առաջադիմել՝ զբաղեցնելով կարևոր պաշտոններ՝ Front Desk Manager, Sales Manager և Director of Sales and Marketing։ Ներկայումս Լուսինեն աշխատում է որպես հյուրանոցի փոխտնօրեն՝ վերահսկելով ինչպես օպերացիոն գործընթացները, այնպես էլ ռազմավարական զարգացումը՝ ապահովելով բարձր սպասարկման մակարդակ, թիմային ներդաշնակություն և կայուն աճ։ Իր կարիերան արտացոլում է շարունակական զարգացում, ուժեղ առաջնորդություն և խոր նվիրվածություն հյուրընկալությանը՝ որպես ոչ միայն մասնագիտություն, այլև կյանքի ձև։

Հյուրանոցային օպերացիաների և սննդի ու խմիչքի ղեկավարության ոլորտում փորձ ունեցող Հովհաննես Ասատրյանը տարիների փորձ է կուտակել առաջատար հյուրանոցներում: Ներկայումս նա ղեկավարում է Mövenpick Yerevan հյուրանոցի նախաբացման (pre-opening) օպերացիոն պատրաստությունը, վերահսկելով հյուրանոցի բացման գործընթացները, սպասարկման չափանիշները և թիմային համակարգումը: Առաջին պլանային ոլորտներում Հովհաննեսը զբաղեցրել է կարևոր F&B և հյուրանոցային կառավարման պաշտոններ լյուքս հյուրանոցներում, ինչը նրան տվել է խորը փորձառություն հյուրերի սպասարկման, հյուրանոցային օպերացիաների և անձնակազմի ուսուցման ոլորտներում: Նա հմուտ է բարձր արդյունավետությամբ թիմեր ստեղծելու և բացառիկ հյուրերի փորձ ապահովելու գործում:​

Ավելի քան 14 տարվա ղեկավարության փորձով՝ Շուշան Պողոսյանը հյուրընկալության ոլորտի փորձառու ղեկավար է՝ խոր գիտելիքներով հյուրանոցային օպերացիաների, ռազմավարական կառավարման և բիզնեսի զարգացման ոլորտներում։ Նա զբաղեցրել է Best Western Plus Congress Hotel Yerevan-ի փոխտնօրենի պաշտոնը՝ առանցքային դեր ունենալով հյուրանոցի օպերացիոն կառավարման, բիզնեսի զարգացման, հյուրերի բավարարվածության բարձրացման և բարձր արդյունավետությամբ թիմերի ղեկավարման գործում։ Նրա մասնագիտական փորձը ներառում է ռազմավարական առաջնորդություն, օպերացիոն արդյունավետության բարձրացում, եկամուտների աճ և սպասարկման որակի կառավարում։ Շուշանը նվիրված է տաղանդների զարգացմանը, նորարարության խթանմանը և հյուրընկալության ոլորտի մասնագետներին իր գործնական գիտելիքներն ու ղեկավարության փորձը փոխանցելուն։

Միջոցառումների և սննդի ու խմիչքի կառավարման ոլորտում լայն փորձ ունեցող Սենիկ Խաչատրյանը Radisson Blu Hotel Yerevan-ում կառուցել է ամուր կարիերա՝ աշխատելով և աճելով բազմաթիվ պաշտոններում։ Նա սկսել է իր կարիերան որպես մոնիթորինգի և գնահատման պատասխանատու, այնուհետև դարձել է բանկետների մենեջեր, իսկ ավելի ուշ՝ սննդի և խմիչքի մենեջերի օգնական։ Ներկայումս նա զբաղեցնում է սննդի և խմիչքի տնօրենի պաշտոնը՝ վերահսկելով գործառնական հարցեր, սպասարկման չափանիշները, թիմի աշխատանքը և հյուրերի փորձը։ Սենիկը մասնագիտացած է միջոցառումների կազմակերպման, ընկերության բրենդի և սոցիալական մեդիայի կառավարման, հաճախորդների հաջողության, ինչպես նաև սննդի և խմիչքի ու խնջույքների սպասարկման դասընթացների ոլորտում։

Ավելի քան 8 տարվա փորձով՝ Նարինե Սիմոնյանը հյուրընկալության ոլորտի վաճառքի և մարքեթինգի մասնագետ է՝ խոր գիտելիքներով հյուրանոցային բիզնեսի զարգացման, ռազմավարական մարքեթինգի և եկամուտների աճի ոլորտներում։ Իր մասնագիտական ուղու ընթացքում նա աշխատել է հյուրանոցային վաճառքի, մարքեթինգի և բիզնեսի զարգացման տարբեր ուղղություններով՝ օգնելով հյուրընկալության բրենդներին ամրապնդել իրենց դիրքը շուկայում, զարգացնել գործընկերային հարաբերություններ և հասնել բիզնես նպատակների։ Նարինեն համադրում է կոմերցիոն գիտելիքները հյուրանոցային օպերացիաների, եկամուտների կառավարման, մարքեթինգային ռազմավարությունների և օնլայն վաճառքի հարթակների գործնական ըմբռնման հետ։ Նա նվիրված է իր փորձը փոխանցելուն և հյուրընկալության ոլորտի մասնագետներին օգնելուն՝ զարգացնելու այն հմտությունները, որոնք անհրաժեշտ են մրցակցային շուկայում հաջողության հասնելու համար։

Հյուրանոցային վաճառքի և մարքեթինգի ոլորտում զգալի փորձ ունեցող Արա Ավագյանը իր գործունեության ընթացքում համադրել է օպերացիոն կառավարման, հաճախորդների սպասարկման և միջոցառումների կազմակերպման ոլորտներում ձեռք բերած բազմակողմանի գիտելիքներն ու փորձառությունը: Radisson Blu հյուրանոցում նա զբաղեցրել է վաճառքի և մարքեթինգի տնօրենի օգնականի պաշտոնը՝ նպաստելով վաճառքների աճին, բարձր սպասարկման չափանիշների պահպանմանը և միջոցառումների արդյունավետ կազմակերպմանը։ Ներկայումս, աշխատելով ֆուտբոլի ոլորտում, Արան պահպանել է հյուրընկալության ոլորտին բնորոշ մտածելակերպը՝ առաջնահերթ համարելով հյուրերի գոհունակությունը, արդյունավետ աշխատանքային գործընթացների կազմակերպումը և թիմային համագործակցությունը։

Լանա Անդջերգոլին հյուրընկալության ոլորտի մասնագետ է և մենթոր, ով ունի սպասարկման կառավարման, ուսուցման և միջոցառումների գործառնական հարցերի համակարգման ավելի քան 8 տարվա փորձ: Նա իրականացրել է կարևոր նախագծեր՝ ներառյալ TEDx միջոցառումները և ռեստորանների գործառնական կառավարում, ինչպես նաև հիմնադրել է Maple & Apricot հյուրընկալության ակադեմիան, որի միջոցով նպատակ ունի տրամադրել գործնական, ոլորտային չափանիշներին համապատասխան կրթություն հյուրընկալության ոլորտի ապագա առաջնորդներին:

Ավելի քան 10 տարվա փորձով՝ Հասմիկը հյուրընկալության ոլորտի մասնագետ է, որը մասնագիտացած է ընդունարանի և ռեզերվացիաների կառավարման ոլորտում։ Իր կարիերան նա սկսել է Hyatt Place Yerevan-ում որպես Gallery Host, այնուհետև միացել է DoubleTree by Hilton-ին, որտեղ առաջադիմել է Receptionist-ից մինչև Shift Leader և Team Leader պաշտոններ։ Հասմիկը շարունակել է իր մասնագիտական աճը Holiday Inn Express-ում՝ զբաղեցնելով Front Desk Supervisor և Reservations Manager պաշտոնները՝ ձեռք բերելով փորձ հյուրերի հետ հարաբերությունների կառավարման և եկամուտների հետ կապված օպերացիոն գործընթացներում։ Վերջին շրջանում նա աշխատել է The Alexander, a Luxury Collection Hotel-ում, որտեղ սկզբում ներգրավված է եղել Accounts Receivable բաժնում, ապա տեղափոխվել է Reservations Department՝ շարունակելով զարգանալ իր հիմնական մասնագիտական ուղղությամբ։

Մարիամ Ծառուկյանը մարդկային ռեսուրսների համապարփակ կառավարման փորձառու ղեկավար է, մասնագիտացած է տաղանդների հավաքագրման, աշխատակիցների հարաբերությունների, ինչպես նաև կազմակերպչական զարգացման ոլորտներում: Ներկայումս նա աշխատում է Mövenpick Yerevan by Accor հյուրանոցում որպես HR մենեջեր, որտեղ՝ հյուրանոցի բացմանն ընդառաջ ձևավորում է HR ենթակառուցվածքներ, ստեղծում աշխատանքային մշակույթ և համակարգում բացմանն առնչվող այլ հարցեր: Մարիամը ղեկավար պաշտոններ է զբաղեցրել մի շարք հյուրանոցներում, այդ թվում՝ Seven Visions Resort & Places, The Dvin Yerevan, Radisson Blu Hotel Yerevan և Golden Palace Hotel Yerevan: Որպես «Yes, I can!» հավաստագրված մարզիչ՝Մարիամը կենտրոնանում է կարողությունների զարգացման և հյուրընկալության ոլորտում բարձր որակի մշակույթի ձևավորման վրա։

Սոնա Միրզոյանը մասնագիտացած է մարքեթինգի, բրենդինգի և թվային հաղորդակցման ռազմավարությունների ոլորտներում։ Նա ունի բազմակողմանի փորձ սոցիալական մեդիայի կառավարման, բրենդի զարգացման և ռազմավարական մարքեթինգային պլանավորման բնագավառներում։ Սոնան աջակցում է կազմակերպություններին և անհատներին՝ ապահովելու իրենց բրենդի կայուն ներկայությունը, արդյունավետորեն հասնելու թիրախային լսարանին և գրանցելու տեսանելի արդյունքներ։ Նա նաև աջակցում է երիտասարդ մասնագետներին՝ կիսվելով գործնական խորհուրդներով և ռազմավարություններով, որոնք նպաստում են հմտությունների զարգացմանն ու հաջողության հասնելուն թե՛ թվային, թե՛ ավանդական մարքեթինգի ոլորտներում:

Նարինեն ավելի քան 7 տարի աշխատել է բարձրակարգ հյուրանոցներում: Կարիերան սկսել է որպես հեռախոսավար, ապա աստիճանաբար առաջընթաց գրանցել՝ հասնելով տնային տնտեսության բաժնի մի շարք առանցքային պաշտոններ: Նարինեն մասնագիտացած է սենյակների որակի ստուգման, հիգիենայի չափանիշների պահպանման, կորցրած և գտնված իրերի ընթացակարգերի, անձնակազմի ուսուցման և հյուրանոցի բաժինների արդյունավետ համակարգման ոլորտներում : Նարինեն նաև GXP ծրագրի դասավանդող և առաջատար մասնագետ է, թիմերում ներդնում է գերազանց սպասարկման և հյուրընկալության մշակույթը: Նարինեն հմուտ մենթոր է՝ տրամադրում է կառուցված, գործնական ուղեցույցներ, որոնք օգնում են մասնագետներին զարգացնել հմտությունները, բարձրացնել վստահությունը և հաջողակ կարիերա ունենալ հյուրանոցային ոլորտում:

Վարանթ Թոփալյանը հյուրընկալության կառավարման, հաճախորդների սպասարկման և բացառիկ փորձառություն ապահովելու մեծ փորձ ունի: Ոգեշնչվելով հոր ռեստորանից՝ նա վաղ տարիքից գիտակցել է սպասարկման գերազանցության արժեքը: Վարանթը ունի հյուրընկալության կառավարման բակալավրի աստիճան Գիտության և տեխնոլոգիաների ամերիկյան համալսարանից և լայն փորձ՝ աշխատելով Ocean Creek Resort (ԱՄՆ) և Rotana Hotels Management Corporation ընկերություններում: Ներկայումս նա զբաղեցնում է հյուրընկալության մենեջերի պաշտոնը TUMO ստեղծարար տեխնոլոգիաների կենտրոնում: Որպես մենթոր ու հրավիրված դասավանդող Վարանթը ներգրավված է եղել Հայաստանի և Քուրդիստանի Ամերիկյան Համալսարանների հյուրընկալության ծրագրերում: